මහ පොළවේ ඉඩ නැති නම් වලාකුළකට යමු

5/31/11

අයිඩියා එකක් දෙන්නකො


මම නෙරංජිනෙ.ඔන්න දැන් මම ආපහු බ්ලොග් ලියනවා.බ්ලොග් ලිය එකත් පාතාලෙ වගේ හිතූ වෙලාට නවත්තන්න බැහැ.ඉතින් මම නවත්තන්න ගිහින් හොඳට අහ ගත්තා. දැන් ඉතින් දෙයියනේ කියලා ආපහු ලියනවා.බ්ලොග් කෙරුවාවට අවුරුදු දෙකයි මාසයක් දැන්.ඒත් ඉතින් ඒ පළවෙනි බ්ලොග් එක තිබිච්ච තැන නැතිවත් ඇති.නීනුගේ නිශාව ඩිසෙබල් කරලත් දැන් අවුරුද්දයි මාස 2ක් විතර ඇති.මම නොදාපු ටෙම්ප්ලේට් එකක් අන්තර්ජාලෙ තියෙනවා නම් සැක සහිත බව තමයි සමහරුන්ගෙ අදහස.

ඊයෙ හදිස්සියෙ මට හිතුණ බ්ලොග් එකේ නම මාරු කරන්න. අපේ සද් ගුණවත් ඉන්දරේ තුමා මීට කලින් දවසක මම නමක් හොය හොය අඬද්දි මට ලස්සන නමක් හොයා දුන්න. ඒ තමයි බ්ලූමැඩල් හීන.ඒ නම දානවාද මේක තියෙනවාද? වෙනමම එකක් දානවා ද?  කියලා තාම හිත කරදරයි..

දැන් කස්ටිය මට අයිඩියා පාරක් දෙන්න ඕනේ..

පසුව ලියමි.
(ජනප්‍රිය බ්ලොග් කරුවන් කීප දෙනෙක් මේ ගැන දක්වයි කියා සිතෙන අදහස්)

මාරයා අයියා -

මේකිට මඥ්ඥං..කාලයක් ටෙම්ප්ලේට් මාරු කළා දැන් නම් මාරු කොරන්න අහනවා.යකෝ නීනුවො තියෙන විදිහට ලියපං .නැත්ත මම බලන්නෙ නැහැ.

බනියා - මේකිට පිස්සු..මොකක් හරි මනස්ගාතයක් ..හැම පාරම...මක් කොරන්නද මන්දා මෙව්වාට

තමීර -
ඕකෙ නම මාරු කළ කියලා මෙයා මාරු වෙයි ද අප්පා.මේකත් මගේ බ්ලොග් එකට මඩ ගන්න කරන උපක්‍රමයක්.එපා වෙනවා අප්පා.

ඇනෝ කෙනෙක් -
මේකි නම මාරු කරන්න හදන්නෙ අර නම ප්‍රසිද්ධයි කියලා වෙන්න ඇති.හික් හික්. අපිනෙ දන්නෙ.

බ්ලොගි අක්කා කෙනෙක් -
අනේ පව්.. මොනා වුණත් අහිංසක කෙල්ල.


දැං කියන්ට බලන්න.... මොකද්ද හොඳ? ඒ නම ද? අලුත් නමද? වෙනම නමක්ද?..එහෙම නමක් තියේ නම් යටින් දක්කලා යන්න.

5/21/11

වහින්නට අවසරයි | අවසන් ලිපිය



ඔහු ගැන තවත් පෝස්ට් දැමීම අවශ්‍ය නැත.මම මගේ දුක මට ආවේණික විදිහට ප්‍රකාශ කිරීම තුළ,සමහරුන්ගේ වෛරකාරියක් බවට පත්ව සිටිමි.බ්ලොග් නැති මිතුරන්ට හා ගූගල් මේල් නැති මිතුරන්ට පහසුවක් වශයෙන්,තිබූ ඇනොනිමස් කමෙන්ට් දැමීමේ හැකියාව මම ඉවත් කර දැමුවෙමි.

ඔබ මට බනින්න. එයට ඔබට අයිතියක් ඇත. නමුත් එළිපිට. ඔබට අපහාස වෙයි කියා බයෙන් ඇයි ඔබ ඔබේ නම හංගා  අපහාස කරන්නේ.
ඔබ හැම විටම ඔබ නිසා අනුන්ට ඇති වන හැඟීම ගැන සිතන්න.අනෙකාව ඔබට අනුව උපමා කරන්න.

දැනුවත්ව වගේම,නොදැනුවත්ව ද,කලබලය නිසා වගේම වැඩි දුර නොහිතන නිසා ද  මිනිස්සු අතින් වරදිනවා.වැරැද්දක් කළත් නැතත් සමහරු වැරදි බාර ගන්නවා.සමහරු නොකළා වගේ නිවැරදි වෙනවා. මිනිස්සු එක එක විදිහයි. එහෙම නේද?

මට පැය දෙකකට උඩදි, සමාජය විසින් එපා යැයි සම්මත කළ වදන් වලින් බැණපු ප්‍රතිචාර ද්විත්වයක් ආවා.තම්න් ගෙ හැඟීම් සරලව කියන්න නොයෙක් මාර්ග තිබියදී,මේ වගේ වචන භාවිතා කරන්නෙ ඇයි කියන එක මට තවම ගැටළුවක්.ලෝකෙ අසැබි දෙයක් බිහි වී ඇත්තේ සභ්‍යත්වයට සාපේක්ෂව කියන දේ මම පිළි ගන්නවා. මිනිස්සු ශිෂටාචාරයට එද්දි ඒ වචන සමාජය තුළ භාවිතය අනුචිත කළා.ඉතින් අපි ඒවා භාවිත කළ විට අපේ අශිෂ්ට බව එළියට එනවා.එය වහ ගන්න නිර්නාමිකත්වය භාවිතා කළ විට එහි වලංගු භාවයෙන් තොර වෙනවා.. 
ඔබ වැරදි කෙනෙකුට ඇති පදම් බනින්න.ඒ ඔබ නිවැරදි නම් විතරයි.ඔබ වැරදි නම් ඔබ ලැජ්ජ විය යුතුයි නේද?.

රෝස වලාකුළ සමහර අය බැන බැන බැලුව. සමහරු තියෙන පලියට බැලුවා.සමහරු කිව්ව නිසා බැලුවා.සමහරු හිතිලා බැලුවා.සමහරු නොබලා හිටියා. මෙතනින් ඔබ කොයි කණ්ඩායමේද කියන්න මම දන්නෙ නැහැ.ඔබ හැමෝටම ස්තූතියි..රෝස වලාකුළ "සමහරු කිව්වෙ එහෙම දෙයක් ලෝකෙ නැහැ කියලා"..ඔව්..ඇත්ත දෙයට වඩා මවා ගැනීම් හරි ලස්සනයි..සිහින වලට ඉඩ දෙන්න. ඔබ හිතන්න. මට කියන්න ට ඇත්තේ මෙපමණයි...

ලෝකයම හරිම ලස්සනයි.හැම දරුණු දෙයක් දිහාම සුන්දරව බලන්න..විසකරු සැම දෙයක්ම විසිතුරු බවින් ලෝකයට බෙදා දෙන්න.සිහින වලට ඉඩ දෙන්න.අනුන්ගෙ හීන වලට ආදරය කරන්න.එදාට ඔබට ජීවිතය හමුවේවි...


මුලු ලෝකයම සතුටින් තියන්න බැරි වුණත්,කීප දෙනෙක් හරි මම කියන මම ලියන දේ බලල සතුටු වෙන්න අති...ඒ හැමෝටම ගොඩාක් ස්තූතියි...වචනයෙන් හෝ මා දිරිමත් කළ හැමෝටම ස්තූතියි.

රෝස වලාකුළ රැගෙන ගිය දඟකාර ලියුම අදින් අහවර වේවි...ආයෙත් මේ බ්ලොග් අහසේ මේ රෝස වලාකුළ ඔබ දකින්නෙ නැහැ.

මට වෛර කරන අයට කණගාටුවෙන් කියමි.මගේ  බ්ලොග් කෙරුවාව ඉවර නැහැ. ඔබට යළි සයිබරයේ කොතැන හෝ ඇති බ්ලොගයකින් මා හමුවේවී..ඒත් ඒ රෝස වලාකුළු ලියූ නෙරංජි නොවනු ඇත.

ඉදින් වහින්නට අවසරයි මට..

මම රෝස වලාකුළ.

5/16/11

ඔක්කොම 650 යි  | අම්මා සහ රූප කොලය


හෙට වෙසක් පෝය.2600 සම්බුද්ධත්ව ජයන්තිය.වෙනදාට වඩා මේ වෙසක් පෝය ටිකක් සරු පාටයි..බත්තරමුල්ලෙත් වෙසක් කලාපයක්.මම මේ පෝස්ට් එක ලියන්න හිතුවෙ වෙසක් පෝය එක්ක මතක් වුණු කාරණයක් නිසයි.වෙසක් පෝයට මේ කාරණය සම්බන්ධ නැතත් බුදු හාමුදුරුවො මේ කතාවට ගෑ වෙනවා.

මේ දවස් වල ඉස්කෝල වල හරියට බුදු ගුණ වැඩ සටහන්, බැති ගී, කූඩු තරඟ, චිත්‍ර තරඟ පැවැත්වෙනවා.එක වසරෙ ඉඳන්ම මේවා පැවැත්වෙනවා. 2 වසරෙ පන්තියෙ පුංචි පුතෙකුට බුදූ හාමුදුරුවන්ගේ පින්තූරයක් වුවමණා වෙලා.උපත පිරිනිවණ සහ බුදු වීම ඇතුළු සත් සතිය. බුදු සිරිතේ ප්‍රධාන සිද්ධි තමයි දැන් හොයන්න ඕනේ. ඉස්කෝලෙම ළමයි අරන් කඩේ රූප කොළ ඉවරයි.

ඔන්න එහා පැත්තෙ තියෙන්නෙ සන්නිවේදන් ආයතනයක් සමඟ අන්තර්ජාල සැපයීම් හලක්. කවුරුත් දන්න නෙට් කැෆේ එකක්.අම්මයි පුතයි ආවා කොමියුනිකේෂන් එකට.. ඔන්න මම දානවා දෙබස.

දරුවාගේ මව-: අයියේ මට බුද්ධ චරිතෙ සිද්දි ටික පින්තූර වලට ගන්න පුළුවන්ද?

කො‍මියුනිකේෂන් කරු- කොච්චර ලොකු ඒවාද?

දරුවාගේ මව - රූප කොළේ විදිහට

කොමියුනිකේෂන් කරු- ඒ කියන්නෙ හාෆ් ශීට් එකකට 4 යි.කලර් ගහන ඔනේ නේද? කීයක් ඕනේද?

දරුවාගේ මව - පින්තූර 12 ක් විටර තියෙනවා

කොමියුනිකේෂන් කරු- කෝ පින්තූර ටික දෙන්න 240 කට කරලා දෙන්නම්.

දරුවාගේ මව - පින්තූර නැහැ. කොම්පුටර් එකෙන් අර ගන්න පුළුවන්ද?..ඒකෙන් හොයන්න පුළුවන් නෙඩ?..

කොමියුනිකේෂන් - බ්‍රවුසර් වල හොයන එක ලේසි නැහැ. නෙට් එකේ ගූගල් වලින් හොයද්දි පිස්සු හැදෙනවා. කමක් නැහැ. කරලා දෙන්නම්. හැබැයි ටිකක් ගාණ යයි.

දරුවාගේ මව - කීයක් විතරද?

කොමියුනිකේෂන් කරු- ඔක්කොම 650 යි.

එහිදී මට කරන්න හිතුණු දේ සහ කළ දේ මෙහි නොදැක්වූයෙමි.නොදන්නා කමට විකෙණෙන අහිංසක පාරිභෝගික මාතාව ගැන යළි වරක් මතක් වූ නිසා මෙය ලිව්වෙමි.ඔහුගේ දරුවා වත් නව තාක්ෂණය ඉගෙන ගෙන ඉන්යහපත් මෙහෙවරක් කරනු ඇතැයි බලාපොරොත්තු වෙමි. ඕනෙම ප්‍රතිචාරයකට විවෘතයි. මගේ අදහස සහ සත්‍ය කතාව පමණක් කීවේ ඔබට කියවීම ට සහ කල්පනා කිරීම පිණිසයි.




5/10/11

ගිලන් පස ගිලන් විය |2600 සම්බුද්ධත්ව ජයන්තියට පෙර



මේ දවස් වල බෞද්ධ ආගමේ අය බොහෝ දෙනෙක් 2600 බුද්ධ ජයන්තියට සූදානම් වෙනවා.ඉතින් මේ සුපින්වත් බෞද්ධයන් එක්ක මට පොඩි කතාවක් තියෙනවා. හැමෝටම මේක අදාල නැතත් බොහෝ දෙනෙකුට අදාළ නිසා මම කෙළින්ම කාරණාව කියන්නම්.ඔබ මේ වෙනකොට කී පාරක් පන්සල් ගිහින් තියෙනවාද?කී පාරක් මල් පූජා කළාද?කී පාරක් ගිලන් පස පුජා කළාද?

මම කතා කරන්නෙ ඔබ පූජා කළ දේ ඇති විද්‍යාත්මක හෝ අවිද්‍යාත්මක පසුබිම් ගැන නෙවෙයි..ඔබ බුදු හාමුදුරුවන්ට එය පූජා කළේ කෙසේද යන්නයි...

බුදු කෙනෙක් යනු ශාස්තෲවරයෙක්,ලෝකයේ ඕනෑම ශාස්තෲවරයෙක් ගරු කටයුතුයි.ඉතින් අපි ශාස්තෲවරයෙකුට යමක් පූජා කරන්නෙ කොහොමද?

හරි ශාස්තෲ වරු නෙවෙයි, ඔබේ ගෙදරට එන මිතුරෙකුට, අඩුම තරමෙ හිඟන්නෙකුට ඔබ හිස් යෝගට් කෝප්පෙක, නැත්තම් පැලිච්චි කඩදාසි කෝප්පෙක බීමක් දෙනවාද?

සිලිසිලි බොලිතින් උර හතරට නවලා කන්න දෙනවාද?සත්තුන්ට, තිරිසන්නුන්ට මීට වඩා හොඳින් සලකනවා...

කාලා ඉවත් කරන දෙයක බුදුන්ට පූජා තියන්න තරම් ඇයි ඔබ පහත් වෙන්නෙ? කිසිම ශාස්තෲවරයෙකුට මෙවන් දේ කරන්න එපා.

ආගන්තුකයෙකුට වඩා අපි අපේ ආගමට ගරු කළයුතුයි.දර්ශනයට ගරු කළ යුතුයි.මේ විදිහට කරනවාට වඩා හොඳයි..නොකර ඉන්නවා.

බුදුන් තෙවැනි වර වැඩි බවට අදත් විශ්වාස කරන කැළණි මහ මලුවේ බෝධිය අභියස සිට මෙය සිතූ නෙරංජි සුලක්ඛනා වන මම මේ ගැන හිත රිදුණු සියල්ලන්ගෙන් සමාව අයදිමි.

ආදරණීය වැඩිහිටියනි.මම ඔබෙන් පැනයක් අසමි.අපි ඔබේ අනාගතයයි .ඔබ අපිට දෙන ආදර්ශ මේවාද?